Anom kơsem min jơlan hơdră dêh čar Australia hăng Việt Nam anai dưi akŏ pơdong kiăng ngă bruă hrŏm kơsem min thâo hluh tong ten hloh kơ tơlơi rô nao rai mă bruă plah wah dêh čar Australia hăng Việt Nam; djru hrŏm ngă tui tŭ yua “Bruă mă bơwih ƀong huă kual Đông Nam Á truh thun 2040” mơ̆ng dêh čar Australia.

Khua dêh čar ta ơi Phạm Minh Chính lăng yôm bruă akŏ pơdong Anom kơsem min min jơlan hơdră Australia hăng Việt Nam; đăo kơnang kơ Anom bruă anai amra ngă bruă lăi pơthâo jơlan hơdră či mă bruă kơ kơnuk kơna dua bơnah dêh čar, kiăng pơtrut hăng pơđĭ tui boh tŭ yua bruă ngă giăng mah pŭ ƀăn dua bơnah jai hrơi dơlăm tui, sit nik, tŭ yua amăng djop bruă mă, yua kơ anŏ pơđĭ kyar hrŏm mơ̆ng rim boh dêh čar, yua kơ mơnuih ƀôn sang dua boh dêh čar hăng yua tơlơi rơnuk rơnua, ngă hrŏm, pơđĭ kyar amăng kual laih anun amăng rŏng lŏn tơnah hnun mơ̆n.