Amăng mông jơnum, ƀing khua mua hơmâo pơgôp hiăp kơ hơdôm črăn tơlơi phiăn, tơlơi pơtrun anun lĕ: tơlơi phiăn lŏn mơnai (čih pơkra glăi); tơlơi phiăn sang dŏ (čih pơkra glăi); tơlơi phiăn sĭ mơdrô lŏn, sang dŏ (čih pơkra glăi); tơlơi phiăn ngăn drăp kơnuk kơna (pơmut hrŏm); tơlơi phiăn pơlih pơkra, pơhrua sa, dua črăn amăng tơlơi phiăn tuh pơ alin; tơlơi phiăn ngă tui tơlơi ngă pô ƀơi ƀon lan (čih pơkra glăi)…Khua dêh čar ơi Lê Minh Hưng rơkâo ječ ameč pơgiong djop hră pơ-ar amăng hơdôm črăn tơlơi phiăn, tơlơi pơtrun hăng lăi pơtong rơkâo tŏ tui na nao lĕ kiăng pok phư hăng mă yua klă ngăn rơnoh; wai pơgang tơlơi dưi djơ̆ tơlơi phiăn mơng mơnuih ƀôn sang, anom bơwih ƀong sĭ mơdrô; hrưn đĭ tŭ yua, ngă klă amăng wai lăng kơnuk kơna.

Ăt amăng mông jơnum, khua dêh čar lăi pơtong tŏ tui tơlơi git gai, pơtrut tuh pơ alin bruă man pơdong, pơsir hĭ hơdôm tơlơi tơnap tap, gun găn kiăng ba hơdôm akŏ bruă dŏ đôm glăi, sui hrơi dưi mă yua. Hrŏm hăng anun, to tui ngă hơđong tơlơi bơwih ƀong huă pok prong, wai lăng prăk trun nua, pơhlôm bơkơnar pok prong. Ding jum pơtô pơjuăt pơsir hĭ khut khăt hơdôm bruă kơƀah hơdrôm hră, pơhlôm brơi ngă klă hăng pơgang gơnam ƀong huă hơdjă amăng hơdôm boh sang hră…