Ƀơi mông jơnum, Khua dêh čar pơtrun hiăp brơi jŭ yap glăi tong ten anŏ găl, djơ̆ ten, kiăng pơhlom  ngă tui sa hnơ̆ng, hăng dưi ngă tui sit nik djop mơta tơlơi phiăn; ƀu dưi čih pơkă amăng tơlơi phiăn hơdôm jơlan hơdră aka ƀu pơtong glăi tum teč rơđah rơđong ƀudah ƀu pơdjơ̆ nao kơ bruă pơsir glăi.

Boh nik ñu, anăm lui hơmâo anŏ soh glăi prong, lui anŏ rơhông soh sel hŭi arăng pơhmao mă ngă sat akŏ pơjing bruă pơgang ba boh tŭ yua kơ hơjăn tơdruă amăng khul grup, gơ̆p ta đôč. Khua dêh čar brơi djop sang bruă khom tañ sem glăi hră pơar, lăng glăi tong ten anŏ tŭ yua, hnơ̆ng ngă bruă pioh pơdah thâo hăng Jơnum min apăn bruă phun pơ ala mơnuih ƀôn sang dêh čar hăng lăi pơthâo ƀơi mông jơnum amăng rơnuč thun. Laih dơ̆ng, prăp lui ngă hrŏm tong ten hăng djop sang bruă amăng gơnong bruă pơ ala dêh čar, djop ding jum, anom bruă pơdjơ̆ nao, pơđing hmư̆ tơlơi rơkâo mơ̆ng ƀing rơgơi kơhnâo lơ̆m pơtong glăi, ngă pơgiong tơlơi phiăn.