Tơdơi kơ kơ mông čơkă, dua čô khua ba jơlan ƀing khua mua pơprong mơng dua bơnah mut jơnum bơkơtuai kiăng pơtrut tơlơi rô nao rai ngă hrŏm dua bơnah. Việt Nam hăng Kur amra akŏ pơjing tơlơi rô nao rai pơtom hiăp dong mơng thun 1967 hăng tŏ tui na nao hơdôm bruă pơbưp khua mua pơprong. Ngă hrŏm bruă pơgang rơnuk rơnua tŏ tui lĕ bruă phun, amăng anun dua bơnah pơsit tong ƀu brơi ling tơhan hơpă mut nao dêh čar pô kiăng bơkơdong glăi bơnah pơkŏn.

Ngă hrŏm bơwih ƀong huă, sĭ mơdrô, tuh pơ alin hăng tuai čuă ngui tŏ tui pơđĭ kyar klă. Thun 2025, rơnoh pơđĭ kyar sĭ mơdrô dua bơnah truh 11,33 klai đôlar Mi; pă blan akŏ thun 2026 giăm 5 klai đôlar Mi, đĭ 9,6% pơhmu tui tơđar thun hlâo. Dua boh dêh čar glăk gum hrŏm ngă tui hơdôm hơnong pơkă đĭ tui rơnoh sĭ mơdrô truh 20 klai đôlar Mi pơ anăp anai, laih dong tŏ tui pơtrut pơbưp nao rai mơnuih ƀôn sang dua bơnah hăng ngă hrŏm bruă tuai čuă ngui.