Bơni kơ tơring čar Phú Thọ hơmâo Akŏ bruă prong pơtrut kiăng dưi tŭ mă rơnoh pơđĭ kyar 2 mrô, Khua dêh čar rơkâo tơring čar Phú Thọ ăt gir run hloh, khut khăt hloh, hơmâo hơdră pơmin pơblih phrâo, hơdră ngă phrâo kiăng dưi ngă djop tơhnal pơkă 11% rơnoh jao pơngŏ.

Khua dêh čar rơkâo kơ Phú Thọ prăp lui djop anŏ gêh găl tŭ mă, pơpha rơnoh prăk ngă tui kơ djop jơlan hơdră mơ̆ng dêh čar djru črăn guang thun 2026-2030, tơdơi kơ gơnong dlông jao rơnoh prăk; dăp bruă tuh pơ alin kơ bruă čar ƀiă thun man ƀrô hăng črăn mơ̆ng thun 2026-2030, kiăng ngă djơ̆ tơhnal pơkă kơ akŏ bruă bơwih ƀong huă-mơnuih mơnam, lăng yom boh tơhnal tuh pơ alin hlâo kơ kah pơpha rơnoh prăk. Khua dêh čar pơtrun hiăp anom bruă ping gah tơring čar Phú Thọ đing nao hloh kơ bruă akŏ pơdong ping gah hăng akŏ pơdong glông bruă kơđi čar  tơring čar thâo gum pơgôp, tŭ ư sa pran jua, mă bruă tơpă, kơjăp kơtang, bơwih brơi kơ mơnuih ƀôn sang, sang bruă mơdrô.