Amăng mông mă bruă, Khua dêh čar ơi Lê Minh Hưng lăi rơđah, tơlơi bơwih ƀong huă amăng tơring čar Lạng Sơn gơnang nao sĭ mơdrô ƀơi kual giăm guai, tơlơi bơwih bơwang ƀơi bah amăng jang hăng hơdôm gơnong bruă hơmâo rơnoh pơđĭ kyar aka ƀu lu; kơƀah gơnam bơwih brơi tuai čuă ngui klă hloh; tuh tia pơkra ming gơnang nao mă gơnam amăng atur lŏn, gơnam man pơdong hăng hơdôm gơnong bruă hơmâo rơnoh pơđĭ kyar aset. Khua dêh čar ăt lăi nao rơđah, bruă ngă hră pơ-ar amăng tơring čar Lạng Sơn pơplih kaih, dong amăng grup hơdôm boh tơring čar dong dăp pơ yŭ đơ đam dêh čar hăng anai lĕ tơlơi gun prong hloh hăng bruă pơhưč tuh pơ alin.

Pơ anăp anai, Khua dêh čar rơkâo tơring čar Lạng Sơn ngă tui tong ten hơdôm grup bruă jao kơ jơlan gah pơđĭ kyar 6 blan rơnuč thun hăng gir run, kiăo tui sit nik, pok pơhai khut khăt kiăng dưi ngă tui hơnong pơkă pơđĭ kyar 10% amăng thun anai. Amăng anun, pơsit tong hơbô̆ bruă pơđĭ kyar lăp djơ̆ hăng tơlơi dưi yôm phara amăng tơring čar giăm guai.