Jơnum khua mua pơprong tal anai yôm phiăn biă mă kiăng pơtrut tơlơi rô nao rai ngă hrŏm yôm phăn kual ASEAN-Nga, hơkrŭ tơlơi ƀuăn bruă kơđi čar, ngă pơplih tơlơi pơtrut ngă hrŏm hăng pơsit jơlan gah bruă mă brơi kơ kual ASEAN-Nga amăng rơwang pơ anăp amăng tlâo bruă akŏ phun hơmâo kơđi čar-pơhlôm rơnuk rơnua, bơwih ƀong huă hăng gru grua-mơnuih mơnam.

Ƀrô tal nao jơlan, Khua dêh čar ơi Lê Minh Hưng him lăng amra hơmâo hơdôm mông bưp, mă bruă hăng khua mua dêh čar Nga hăng Tatarstan; pơsit tong Việt Nam lêng kơ lăng yôm tơlơi rô nao rai giang mah gru grua, bơnah ngă hrŏm djop mơta hăng Nga hăng čang rơmang tŏ tui, hơkrŭ kjăp ngă hrŏm amăng lu bruă yua kơ tơlơi dưi hrŏm mơng dua djuai ania, pơgôp pơhlôm rơnuk rơnua, hơđong, ngă hrŏm hăng pơđĭ kyar amăng kual hăng rŏng lŏn tơnah.