Ƀơi pơsat dor tơhan Vị Xuyên lĕ anih dor 1.972 čô tơhan hăng 2 boh pơsat dor hrŏm lu mơnuih. Ƀơi anăp gong kut pioh hơdor tơhan, pơ ala brơi khua mua Ping gah hăng Kơnuk kơna, Khua dêh čar ơi Lê Minh Hưng hrŏm hăng khua mua hơmâo dưm guang bơnga, tŭi ñang, pioh ha mơnit hơ-ŭ hơdor hăng pơdah tơlơi pơpŭ bơni ƀơi anăp pran tuh rơyuh, pơgôp prong prin mơng tơhan djai pơsăn drơi, ƀing gơñu tuh drah pơčah asar yua kơ tơlơi rơngai, rơnuk rơnua lŏn ia.

Amăng rơnuk blah wang wai pơgang guai kual Kơdư, ƀơi tơdron blah wang Vị Xuyên, hăng pran gir run “Hơdip gơnang pơtâo kiăng blah ayăt, djai jing pơtâo dŏ glăi na nao”, ling tơhan hăng mơnuih ƀôn sang sông kơtang blah ngă, djai pơsăn drơi kiăng wai pơgang lŏn ia ta.