Jơnum tal anai ƀu djơ̆ kơnong lĕ tal hơdor glăi đôč ôh mơ̆ ăt pơdah tơlơi ƀuăn kơđi čar khua mua pơprong mơng kual ASEAN hăng Nga amăng pơtrut pơtom hiăp, ngă hrŏm, pơgôp amăng bruă pơhlôm rơnuk rơnua, hơđong hăng hơđong djru brơi pơđĭ kyar. Tal nao mă bruă mơng Khua dêh čar ơi Lê Minh Hưng kiăng tŏ tui tơlơi gơgrong “tơkuh nao rai” mơng Việt Nam, pơtrut mut hrŏm, pơgôp amăng hơdôm jơlan gah bruă mă sit nik, mơng anun ngă pơtrut phrâo amăng tơlơi rô nao rai kơplah wah kual ASEAN-Nga.

Amăng mông jơnum ana, Việt Nam čang rơmang hrŏm hăng hơdôm boh dêh čar pơtrut hơdôm bruă dŏ lu tơlơi gal anun lĕ sĭ mơdrô, boh thâo ia rơgơi, pơplih mrô, pơhlôm djop apui yua, pơtô pơjuăt hăng tuai čuă ngui. Hăng tơlơi gơgrong lĕ dêh čar kual ASEAN ba jơlan hlâo amăng ngă hrŏm hăng Khul pơlir bơwih ƀong huă kual Asia-Mi kô̆, Việt Nam ăt dưi pơlăi nao rai tơlơi găn rơgao sit nik kiăng pok prong bruă ngă hrŏm kơplah wah  ASEAN hăng kual Asia-Mi kô̆, mơng anun ngă hơdôm tơlơi ƀuăn kơđi čar jing tơlơi dưi tong ten brơi anom bơwih ƀong sĭ mơdrô hăng mơnuih ƀôn sang.