Tal nao mă bruă anai pơƀuh anŏ kơdrưh mơ̆ng Việt Nam ƀơi jar kmar, laih anun pok rai lu tơlơi gêh găl ngă hrŏm sit nik. Ƀơi mông Jơnum khua mua prong BRICS tal 18, Khua dêh čar ơi Lê Minh Hưng pơhiăp git gai yom biă, pơƀut amăng hơdôm bruă akŏ phun hơmâo dêh čar India hrŏm hăng ding kơna BRICS lăng yom biă.

Amăng tal nao mă bruă, Khua dêh čar ơi Lê Minh Hưng pioh mông bưp yom biă hăng Khua dêh čar India ơi Narendra Modi. Anai jing hrơi mông kiăng khua mua dua Kơnuk kơna lăng glăi djŏp bruă ngă hrŏm dong mơng hrơi nao čuă hmư̆ hing mơ̆ng Khua ping gah, Khua mir sir ơi Tô Lâm pơ India - hrơi mông dua bơnah ngă kjăp tui tơlơi rô nao rai Ngă gŏp đĭ kyar yom amăng abih bang bruă. Dua bơnah pơsit hrŏm jơlan gah ngă bruă, hơdră pok pơhai, đah mơ̆ng dưi ngă tui djŏp hră kĭ pơkôl yơyôm pơ anăp anai./.