Amăng mông bơră ruai hăng tơlơi mơak klă pơhiăp rơhmač tač jĕ giăm, tơpă ară đăo kơnang nao rai, dua čô khua hơmâo lăng ten anŏ pơđĭ kyar tơlơi giăng mah pŭ ƀăn, ngă hrŏm plah wah Việt Nam-Hà Lan amăng thun blan laih rơgao, hơmâo pơčrong sai tŭ ư hrŏm anăp či ngă bruă kiăng ba glăi boh tŭ yua lu hloh, ba tơlơi ngă pŭ ƀăn dua bơnah hlom bom, pơgang boh tŭ yua kơ dua bơnah dêh čar.

Dua bơnah ăt lăi kiăng kơtưn hloh amăng bruă pơblih nao rai grup khua mua pơprong čuă jơmư nao rai, kiăng ngă kơjăp tui tơlơi đăo kơnang tơdruă amăng bruă kơđi čar, anăp nao pơđĭ tui gưl ngă giăng mah sa yak dlông hloh; laih dơ̆ng rơkâo hơdai gum hrŏm, dong yua nao rai amăng mông jơnum lu dêh čar, pơčrong sai tơlơi hơmâo ƀơi jar kmar. Dua čô khua ăt bơlăi nao tơlơi mơ̆ng dua bơnah đing nao hloh, lăi pơtong anŏ yom kơ bruă pơgang tơlơi rơnuk rơnua hơđong, anŏ rơngai mơai pô rô nao rai ƀơi jơlan ia rơsĭ, jơlan rơdêh por amăng kual hăng ƀơi rŏng lŏn tơnah, tui hăng atur pơkă tơlơi phiăn jar kmar, biă mă ñu tui hăng hră pơkôl hrŏm Tơlơi phiăn ia rơsĭ thun 1982 (UNCLOSE). Tal pơhiăp telephôn, bơră ruai anai plah wah Khua dêh čar Việt Nam hăng Hà Lan tŭ yua hiam klă, hăng lu anăp či ngă bruă hrŏm phrâo, pok brơi črăn pơđĭ kyar lu tơlơi cang rơmang hloh ngă giăng mah hlom bom plah wah Việt Nam-Hà Lan.