Hăng tơlơi pơmin pơtô pơjuăt jing jơlan gah ngă bruă yom hloh mơ̆ng dêh čar, Khua dêh čar ơi Lê Minh Hưng lăi dlăm, Ping gah, Kơnuk kơna hăng abih bang mơnuih lăp đing nao biă mă kơ bruă pơtô pơjuăt. Thun hrăm phrâo 2026-2027, kiăng ngă bruă prong hloh, anun lĕ pơplih phrâo, pơplih klă sit nik amăng bruă pơtô hăng pơjuăt.

Tuč rơnuč ñu lĕ kiăng mơnuih hrăm thâo hloh, rơgơi hloh, nai pơtô klă hloh, sang hră klă hloh, gơgrong bruă, gir kơtir, kơtưn pơplih phrâo amăng thun hrăm phrâo 2026-2027 sit nik jing sa thun hrăm pơplih tơlơi pơmin, pơplih kjăp kơtang laih anun ba glăi boh tŭ yua sit nik; pơjing phun atur kjăp phik đah mơ̆ng pơplih prong đĭ kyar pơtô hăng pơjuăt, ba lŏn ia ta jai hrơi đĭ kyar amăng thun blan pơ anăp./.