Bơni hơ-ơč kơ ơi Rajpal Singh hơmâo ruah ngă Khua anih jưh pơ ala dêh čar Singapore ƀơi Việt Nam, Khua dêh čar ơi Lê Minh Hưng pơsit, Singapore jing gŏp ngă hrŏm yom biă mă mơ̆ng Việt Nam amăng kual. Khua dêh čar kiăng dua bơnah djă pioh, pơphun na nao, pơtrut hyu čuă jơmư nao rai, bơbưp khua mua pơprong hăng djŏp gưl; pơđĭ tui boh tŭ yua pok pơhai ngă hrŏm dua bơnah, amăng anun hơmâo bruă jơnum rim thun plah wah dua čô Khua dêh čar hăng Jơnum Khua ding jum pơtruh dua boh dêh čar.

Khua dêh čar kiăng dua bơnah ngă hrŏm pơphun truh kih Pơtom hiăp jơlan gah pơplih prong Việt Nam - Singapore tal sa, ăt kah hăng hơdôm bruă jơnum prong amăng thun 2027, lơ̆m Singapore ngă Khua ASEAN, hăng Việt Nam pơphun jơnum APEC; pơtrut ngă bơrơđah, sit nik djŏp hră kĭ pơkôl, hră ƀuăn mơ̆ng khua mua prong dua boh dêh čar./.