Ƀơi mông tŭ jum, Khua dêh čar hơ̆k mơak  ƀuh lu tơlơi pơđĭ kyar ngă giăng mah mơ̆ng dua bơnah  thun blan rơgao Việt Nam hăng Angola, laih dơ̆ng rơkâo dua bơnah ăt kơtưn pơđĭ tui bruă mă, brơi khul khua mua pơprong čuă jơmư nao rai hăng ngă hrŏm hơdôm ding jum, anom bruă gưl dêh čar, djop tơring čar; kah pơpha tơlơi thâo thăi găn rơgao, thâo thăi ngă hrŏm tong ten laih anun dong yua tơdruă amăng mông jơnum prong lu bơnah ƀơi jar kmar.

Khua dêh čar rơkâo kơnuk kơna dêh čar Angola ăt ngă gêh găl brơi djop sang bruă mơdrô mơ̆ng Việt Nam, biă mă ñu Group tuh tia pơkra ming-Apui yua-ia jâo Việt Nam, pok pơhư prong bruă mă tuh pơ alin, sĭ mơdrô ƀơi dêh čar Angola.  Dua bơnah bơtŭ ư hrŏm, pơtrut bưp bơkơtuai nao rai tañ ngă giong hră kĭ pơkôl ngă hrŏm yom amăng bruă sĭ mơdrô, tuh pơ alin.