Pơhiăp amăng mông jơnum, Khua dêh čar ơi Phạm Minh Chính lăi pơtong, ră anai, Việt Nam hlăk djă bong kjăp rơnoh pơđĭ kyar bơwih ƀong huă, dưi pơgăn hĭ prăk trun nua, pơhlôm hơđong rơnoh dong hnưh mơ̆ng kơnuk kơna, pơhrui prăk duh jia lu hloh, prăk dong hnưh dêh čar tač rơngiao ăt pơhlôm hơđong, kơnuk kơna dong hnưh ăt amăng rơnoh dưi pơhlôm, rơnuk rơnua, ngă pô lŏn ia, pơhlôm đơ đam dêh čar dưi kjăp phik, tơlơi rơnuk rơnua amăng mơnuih mơnam, tơlơi hơdip mơda mơnuih ƀôn sang hơđong na nao, pơgang ayuh hyiăng anih dŏ jum dar ăt bơkơnar; pơtrut tui bruă pơhlôm pơgăn hưp ham ƀong kông ngăn; bruă pơtom hiăp dưi ba glăi lu boh tơhnal hiam klă.

Pơ anăp adih, tơhnal pơkă, Khua dêh čar lăi pơtong, kơtưn gir truh thun 2030 hơdor glăi tal 100 thun akŏ pơdong ping gah, lŏn ia hlăk pơđĭ kyar, hơmâo bruă mă tuh tia pơkra ming phrâo, rơnoh pơhrui glăi lu; truh thun 2024 dưi pơtong lĕ rơnoh pơđĭ kyar kơtang hloh, jing hơmâo boh tơhnal yôm phara amăng bruă ngă tui truh kih tŭ yua jing thun pơđĭ kyar hmar hloh, nă tui akŏ bruă 5 thun sa wơ̆t mơ̆ng thun 2021-2025 laih anun bruă mă yôm phara amăng 10 thun mơ̆ng thun 2021-2030, amăng anun, boh tơhnal thun 2024 khom ngă klă hloh kơ thun 2023 kah hăng tơlơi git gai mơ̆ng Khua git gai ping gai ơi Nguyễn Phú Trọng.