Tal bưp ƀô̆ mơta anai, pioh mông kơ ƀing khua mua amăng kơnuk kơna, djop ding jum anom bruă hmư̆ tơlơi lăi pơthâo mơ̆ng ƀing ngă bruă sĭ mơdrô, bơhmutu dưm ta pô kah hăng ƀing ngă bruă sĭ mơdrô kiăng thâo tong ten hăng pơsir tơlơi tơnap tap, pơtrut mă bruă pơkra ming gơnam sĭ mơdrô hăng pran jua mơ̆ng rim anom bruă, djop gưl bruă, rĭm čô mơnuih gum tơngan hrŏm, pran jua, tơlơi pơmin, bruă mă tui hăng rơnoh jao kiăng lu mơta bruă anet pơgôp hrŏm jing bruă prong, pơsir hĭ tơlơi tơnap tap kiăng găn rơgao hĭ tơlơi lông lăng. Khua dêh čar lăi pơtong, ping gah, kơnuk kơna hăng mơnuih ƀôn sang yơh jing anih ưh kơnang, đăo tong ten nao kơ ƀing ngă bruă sĭ mơdrô, mơnuih ngă bruă sĭ mơdrô Việt Nam amra pơđĭ kyar hrŏm hăng lŏn ia, kiăng ngă pơgiong bruă man pơdong hăng pơgang lŏn ia.

Pơ ala kơ Kơnuk kơna, Khua dêh čar čih pioh, pơpŭ bơni hăng bơni hơ-ơč kơ tơlơi gir run, boh tơhnal dưi ngă mơ̆ng ƀing sĭ mơdrô kơnuk kơna ngă pô djru hrŏm amăng bruă mă ba glăi boh tŭ yua kơ lŏn ia. Khua dêh čar rơkâo ƀing khua mua djop anom bruă pơtum nao tơlơi pơhing pơdjơ̆ nao pơđĭ kyar sang bruă sĭ mơdrô kơnuk kơna ngă pô, hơdôm tơlơi gêh găl hăng tơnap tap ră anai, ĕp hơdră pơsir hĭ tơlơi dŏ gun kiăng ba glăi boh tŭ yua lu hloh, pioh kơ hơdôm anom bruă sĭ mơdrô kơnuk kơna ngă pô ba gru hlâo, rơbat djơ̆ jơlan, ngă rai pran kơtang, pơhưč pran jua kơ lu khul mơnuih ngă bruă sĭ mơdrô lăi hrŏm hăng pơtrut rơnoh pơđĭ kyar phrâo pơ anăp adih.