Ƀơi mông bơ ră ruai, Khua pơ ala mơnuih ƀôn sang Hàn Quốc, ơi Woo Won-sik lăi, khua mua pơ ala mơnuih ƀôn sang Hàn Quốc amra ngă hrŏm tong ten hăng khua pơ ala mơnuih ƀôn sang Việt Nam, djru kơnuk kơna dua bơnah amăng bruă ngă tui tŭ yua hloh hơdră pok pơhai tơlơi kĭ pơkôl phrâo mơ̆ng dua bơnah, pơtrut bơwih ƀong huă, pơgang hơđong tơlơi bơwih ƀong huă, pơtruh nao rai mơnuih mă bruă kơ dua bơnah.

Dua bơnah lêng kơ lăng yôm tơlơi ngă giăng mah pŭ ƀăn Việt Nam-Hàn Quốc pơđĭ kyar tañ, tŭ yua lu mơta klă hiam sĭ mơdrô, tuh pơ alin jĕ giăm rô nao rai mơnuih ƀôn sang; tŭ ư kơtưn tui ngă kjăp hloh plah wah sang bruă pơ ala mơnuih ƀôn sang dêh čar dua bơnah pơ anăp anai. Khua dêh čar ơi Phạm Minh Chính rơkâo khua mua pơ ala mơnuih ƀôn sang dêh čar dua bơnah, ngă hrŏm tong ten, pok pơhai tơlơi phiăn mă bruă hăng lu bơnah; dong yua jơlan hơdră djru kơ anom bruă sĭ mơdrô mơ̆ng Việt Nam ngă hrŏm lu hloh ruăi ba gơnam sĭ mơdrô amăng rŏng lŏn tơnah mơ̆ng djop sang bruă sĭ mơdrô dêh čar Hàn Quốc.