Čơtlăm lơ 15/4, ƀơi Anih mă bruă Khua mir sir, Khua dêh čar ta ơi Phạm Minh Chính hmâo git gai mông ngă lơphet čơkă Khua dêh čar ơi Abiy Ahmed Ali. Tơdơi kơ mông ngă lơphet čơkă, dua bơnah pơphun bơkơtuai.

Amăng hơdôm thun jê̆ hăng anai, prăk pơhrui glăi mơ̆ng gơnam sĭ mơdrô nao rai dua bơnah Việt Nam hăng Ethiopia hmâo rơbêh kơ 10 klăk dolar Mi sa thun. Thun 2024 phrâo rơgao, prăk pơhrui glăi mơ̆ng gơnam sĭ mơdrô nao rai dua bơnah hmâo rơbêh kơ 13 klăk dolar Mi, amăng anun gơnam sĭ mơ̆ng Việt Nam hmâo rơbêh kơ 7 klăk dolar Mi hăng blơi mut rơbêh kơ 6 klăk dolar Mi.

Việt Nam hăng Ethiopia juăt dŏng yua nao rai tơdruă amăng hơdôm hơdră pơkă, bruă bơkơtuai lu bơnah. Ethiopia hmâo sit nik tŭ yap Việt Nam jing dêh čar bơwih ƀong sĭ mơdrô amăng thun 2014./.