Amăng mông jơnum, Khul pơ ala mơnuih ƀôn sang tơring čar hơmâo tŭ yua hơdôm boh tơhnal tui tơlơi glăm ba hơmâo: tơlơi črâo trun dưm dăp anih anom mă bruă gưl tơring čar hăng gưl să; brơi pơdơi bruă ngă Khua Jơnum min mơnuih ƀôn sang tơring čar hăng ơi Phạm Ngọc Nghị. Laih dong, Khul pơ ala mơnuih ƀôn sang ăt pơčrông sai hơdôm tơlơi pơtrun kơ ngăn drăp, tuh pơ alin man pơdong, pơplih yua lŏn glai rưng kiăng djru brơi akŏ bruă rơwang 2 mơng jơlan rơdêh đuăi hmar Khánh Hòa-Buôn Ma Thuột, hăng hơdôm hơdră bruă djru ruh pơkra glăi sang dŏ jang jai, sang tơ̆i phŏ tui tơlơi git gai mơng Khua dêh čar.

Yă Huỳnh Thị Chiến Hòa-Khua khul pơ ala mơnuih ƀôn sang tơring čar lăi pơtong, Jơnum hơmâo lu boh tơhnal ječ, bơdjơ̆ nao anih anom mă bruă hăng tơlơi čang rơmang mơnuih ƀing apăn bruă, mơnuih ƀôn sang. Ñu rơkâo ƀing khua mua ngă tui pran jua ngă pô, tơlơi gơgrong kiăng pơsit tŭ yua, lăp djơ̆ tơlơi čang rơmang mơng mơnuih ƀôn sang.