Tal nao čuă pơphun amăng hrơi mông tơlơi rô nao rai giăng mah hing ang, yôm pơphăn hăng ngă hrŏm abih bang bruă kơplah wah Việt Nam hăng Lao jai hrơi đĭ kyar klă hiam; dua bơnah pơsit pơđĭ tui tơlơi rô nao rai, gum pơgôp yôm hăng ngă hrŏm amăng djŏp bruă kơplah wah Việt Nam hăng Lao amăng rơnuk phrâo, lăp djơ̆ hăng tơlơi hơmâo sit mơ̆ng rim boh dêh čar.

Amăng jơlan hơdră nao čuă, Khua mir sir ơi Lương Cường hơmâo pơhiăp lu bruă yôm hăng Khua git gai Ping gah, Khua mir sir dêh čar Lao ơi Thongloun Sisoulith; bưp Khua git gai pơ ala mơnuih ƀon sang Saysomphone Phomvihane hăng Khua dêh čar Sonexay Siphandone. Ƀơi hơdôm mông bưp, dua bơnah hơmâo pơčrông sai, tŭ ư hơdôm jơlan đĭ kyar prong mơ̆ng tơlơi rô nao rai dua bơnah pơ anăp, amăng anun hơkrŭ kjăp bruă kơđi čar đăo kơnang nao rai, pơphun na nao bruă čuă jơmư, pơbưp khua mua pơprong hăng djŏp gưl, pơtrut bơbưp nao rai mơnuih ƀôn sang hăng lu hơdră jơnum phara./.