Pok pơhai Hră klah čun mơ̆ng Ding jum kơđi čar lơ 1/3/2025 kơ bruă lui mă prăk apah kơ čơđai sang hră gưl muai mầm non hăng čơđai sang hră phổ thông, Hră pơtrun pơhrua nao hơdôm mơnuih hơmâo anăn dưi lui mă prăk apah hrăm hră amăng sang hră yua kơnuk kơna ngă pô, djru prăk apah sa črăn kơ čơđai sang hră hrăm amăng sang hră mơnuih ƀôn sang ngă pô, sang hră pơčruh ngăn. Tui hăng mrô jŭ yap thun hrăm 2023-2024, ră anai dêh čar ta hơmâo 23,2 klăk čô čơđai sang hră. Prăk kiăng yua amăng sang hră kơnuk kơna khom tla him lăng 30,6 rơbâo klai prăk.

Lu ding kơna amăng mông jơnum tŭ ư soh hăng Hră pơtrun, pơdah rai tong ten anŏ klă hiam mơ̆ng tơlơi pơkă bơkơnar lơ̆m pơtô pơhrăm hăng tơlơi gơgrong ba mơ̆ng kơnuk kơna hăng mơnuih hrăm hră, đing nao djru ba kơ čơđai muai hăng pơhlôm ba tơlơi hơdip mơda mơnuih ƀôn sang. Khă tui anun, ƀing ding kơna nao jơnum rơkâo kiăng pơtong glăi rơđah tong ten hloh, rơnoh prăk kông ngăn kơnuk kơna hăng djop tơring čar, biă mă ñu hơdôm tơring čar dŏ tơnap tap, tơlơi gêh găl bơwih ƀong huă aka ƀu hơđong, tơdah ngă tui jơlan hơdră anai.