Ƀơi mông mă bruă, Khua dêh čar ơi Phạm Minh Chính hmư̆ khua mua sang hră lăi pơthâo tơlơi pơhing bruă mă, pơphun dăp bruă, amăng anun bruă pơtô hrăm mơnuih kơhnâo rơgơi hăng mơnuih mă bruă tŭ yua ăt kah hăng bruă pơtô hrăm kơsem min boh thâo ia rơgơi pơkra ming măi mok ƀơi sang hră gưl prong dêh čar či Hà Nội.

Jing sa boh anih pơtôm hrăm, kơsem min boh thâo ia rơgơi ba akŏ hlâo, sang hră gưl prong dêh čar či Hà Nội hơmâo man pơdong hăng pok pơhai bruă mă ĕp boh thâo ia rơgơi phrâo, pơčeh pơblih phrâo mơ̆ng thun 2021-2030 kiăng anăp nao pơđĭ kyar pơčeh phrâo ia rơgơi pơ anăp adih jing sa bruă mă pơđĭ kyar phrâo hloh mơ̆ng sang hră gưl prong dêh čar či Hà Nội jing sang hră thâo rơgơi, pơčeh phrâo hăng pơblih phrâo.