Khua dêh čar pơsit yôm Đại học lŏn ia Malaysia hmâo kĭ hră pơ-ar gum hrŏm hăng 2 Đại học ba jơlan hlâo Việt Nam, pok tơbiă tơlơi gum hrŏm dơlăm prong amăng bruă pơtô pơhrăm kơplah wah dua bôh dêh čar; Pơtrut kơtang lăi pơhưč tuai čuă ngui, tô nao rai bôh thâo đưm, kơtưn bơkơtuai mơnuih ƀôn sang; Djă kơjăp gum hrŏm hơbit, bruă mă phun mơ̆ng ASEAN hăng djă pioh tơlơi mơ-ak klă, hơđong, rơnuk rơnua, pơhlôm hăng dưi pô ƀơi glông jơlan ia rơsĭ gah Ngŏ.

Khua dêh čar pơtŏng sit Việt Nam amra gum hrŏm kơjăp hloh dong hăng Malaysia amăng pơtô pơhrăm hăng hơdôm bruă pơđĭ kyar bôh thâo phrâo măi mok, pơplih phrâo pơčeh phrâo, pơplih mrô yua kơ tơhnal pơkă hrŏm, anăp nao tơlơi pơđĭ kyar kơjăp phik, pơdrŏng asah mơ̆ng dua bôh dêh čar hăng khul ASEAN./.