Pơhiăp amăng mông bơkơtuai, Khua dêh čar ơi Phạm Minh Chính pơsit yôm tơlơi tơpă, hơdôm tơlơi pơmin čang rơmang, pran jua mơ̆ng hơdôm bôh anom bơwih ƀong Hàn Quốc, pơdah tơlơi thâo hluh, đăo kơnang tơdruă. Khua dêh čar cang rơmang hơdôm bôh anom bơwih ƀong Hàn Quốc hmâo ngă klă laih samơ̆ jai khom ngă klă hloh dong, lăi pơthâo kơ Việt Nam pơđĭ kyar tañ mơ̆ kơjăp kah hăng ƀing gơyut hmâo ngă amăng lŏn ia hơdôm bôh dêh čar ƀing gơyut, pơdŏng, gum pơhiăp hơdră pơkă pioh pơhlôm hruaih.

Hrŏm hăng anun pok prong tuh pơplai bơwih ƀong ƀơi Việt Nam hăng lăng Việt Nam lĕ anih anom bơwih ƀong huă, tuh pơplai, djru Việt Nam gum hrŏm dơlăm hloh amăng hơdôm bruă pơlir nao rai đơ đam rŏng lŏn tơnah, pơplih phrâo bruă sĭ mơdrô, gơnam tam; djru pơtô glăi hơdră mă yua măi mok kơ Việt Nam; djru pơtô pơhrăm mơnuih mă bruă kơjăp, pơtô pơhrăm rah, pơđĭ rah bôh thâo mă bruă, djru wai lăng thâo, pơplih phrâo glông jơlan bruă mă lăp djơ̆ hăng jơlan gah rŏng lŏn tơnah hăng mơ̆ng Việt Nam. Biă ñu lĕ tuh pơplai amăng măi mok bôh thâo đưm, măi mok lăng ngui, pơplih phrâo pơčeh phrâo, hơdră sinh học, hơdră mơtah, hơdră mrô, bôh thâo pơčeh pơjing, măi kĕ apui lơtrik./.