Mơguah 29/12, Khua dêh čar ơi Phạm Minh Chính git gai mông jơnum Grŭp črâo ba mơ̆ng Gong gai dêh čar kơ “klah čun bruă ngă tui Tơlơi pơtrun pơsit mrô 18”. Tui tơlơi lăi pơthâo glăi bruă dưm dăp pơphun bruă mă kơđi čar dưi hmâo hơdôm ding jum, ƀirô dưm kơnar hăng ding jum, ƀirô gah Gong gai dêh čar pok pơhai tañ, truh ră anai phun ñu ngă giong laih akô̆ bruă. Pơkă hlâo glông jơlan mă bruă mơ̆ng Gong gai dêh čar amra rơbô̆t mơ̆ng 30 trun dô̆ 21 anom bruă: 13 ding jum, 4 bôh ƀirô dưm kơnar hăng ding jum hăng 4 bôh ƀirô gah Gong gai dêh čar.

Amăng mông jơnum, Grŭp črâo ba đing nao pel ĕp hơdôm bruă mă, amăng anun đing nao bơkơtuai kơ bruă pơđut bruă jao mơ̆ng Grŭp mă bruă Ping gah Gong gai dêh čar hăng pơjing Ping gah Gong gai dêh čar gah dêh čar. Klah čun mông jơnum, Khua dêh čar ơi Phạm Minh Chính rơkâo pel ĕp glăi dong, pơplih pơkra, pơhrua nao tui tơlơi pơplih, hluai tui tơlơi pơkă dưm dăp glông jơlan mă bruă khom pơhlôm rơbô̆t, kơtang, mă bruă tŭ yua, ba glăi bôh tơhnal; nao hrŏm hăng ngă rơbô̆t, pơđĭ dlông khul mơnuih apăn bruă, mơnuih mă bruă čar, hrŏ trun glông jơlan, hrŏm hăng anun ƀu pioh bơrơkua, lui lơi bruă apăn, bruă jao, tơlơi dưi./.