Pơhiăp amăng mông jơnum, Khua dêh čar ơi Phạm Minh Chính lăi rơđah: Rŏng lŏn tơnah pơplih tañ, ƀu thâo him lăng, bă kơ tơlơi tơnap, tơlơi ƀu rơđah. Hăng Việt Nam, bruă hmâo mă yua prăk mă jia truh 46% amra bơdjơ̆ nao rơđah truh bruă sĭ gơnam kơ dêh čar tač rơngiao, bơdjơ̆ nao ƀơi anăp truh mrô ñu ƀu ƀiă ôh hăng mơnuih mă bruă, anom bơwih ƀong.

Tơdơi kơ hmư̆ tơlơi gum pơhiăp mơ̆ng Khua ƀirô pơ ala kơ Việt Nam pơ̆ dêh čar tač rơngiao, Khua dêh čar lăi lĕ: hơdôm tơlơi lăi glăi hăng jơlan pơsir bŏng glăi mơ̆ng hơdôm dêh čar pioh kơ hơdră bruă mă jia phrâo, biă ñu mă jia tui anun, lu mơta hăng phara, tui hluai kơ rơnoh bơdjơ̆ nao hăng bruă bơwih ƀong. Khua dêh čar rơkâo Khua anih jưh rơkâo Khua anih jưh/Khua Ƀirô pơ ala hơdôm hrơi pơ̆ anăp gơgrong tơlơi pơhing kơ bruă mă, hơdră ngă, bruă bŏng glăi ƀiă hrơi hăng ngă juăt sui thun mơ̆ng hơdôm bôh dêh čar hăng bruă Mi mă jia./.