Amăng mông jơnum, ƀing ding kơna Kơnuk kơna hơmâo pơlăi nao rai, pơčrông sai đing nao hơdôm bruă akŏ phun, dŏ lu tơlơi pơmĭn phara kiăng rơkâo đĭ kơnuk kơna kơ bruă: Tơlơi phiăn apui lơtrik ayuh (čih pơkra glăi); tơlơi phiăn ia yua; tơlơi phiăn wai lăng, pơđĭ kyar plơi prong; tơlơi phiăn boh thâo măi mok hăng pơplih pơčeh phrâo; tơlơi phiăn yua apui lơtrik pơkrem, tŭ yua; hăng rơkâo čih pơkra tơlơi phiăn bơwih ƀong sĭ mơdrô (čih pơkra glăi).

Đĭ pơhiăp amăng mông jơnum, Khua dêh čar ơi Phạm Minh Chính lăi rơđah: tuh pơ alin brơi kơ klă, čih pơkra tơlơi phiăn lĕ bruă pơjing brơi tơlơi pơđĭ kyar; ngă klă bruă čih pơkra tơlơi phiăn amra ba glăi tơlơi gal pơđĭ kyar. Khua dêh čar rơkâo bruă čih pơkra hơdôm hră pơ-ar djơ̆ tơlơi phiăn kiăng đing nao tơlơi thâo thăi, ngă tui pran gơgrong kơtang hloh, hơdôm hră pơ-ar kiăng ber, tong ten, lăp djơ̆, amuñ ngă tui, amuñ sem lăng, pel ĕp, krăo lăng, kiăng pok pơhai tañ, pơkra rah, tŭ mă tơlơi găn rơgao kiăng pơgiong.