Mơ̆ng akŏ thun 2024, Kơnuk kơna hơmâo pơphun 2 wơ̆t jơnum, sem lăng, pơgôp hiăp hăng 14 tơlơi phiăn, tơlơi pơtrun. Bruă čih pơkra, pơtrun tơlơi phiăn jai hrơi hơmâo ngă klă, djơ̆ hơdră, pơplih phrâo, tŭ yua. Hrŏm hăng čih pơkra djŏp tơlơi phiăn, hơdôm ding jum anom bruă Khua dêh čar kiăng pơƀut čih pơkra tơlơi pơtrun, tơlơi črâo bruă đah mơ̆ng ngă rơđah hloh tơlơi phiăn.

Amăng anun kiăng pơƀut čih pơkra tơlơi pơtrun, tơlơi črâo bruă kơ lŏn tơnah, sang dŏ, prăk čan, gir ngă giong amăng blan 5/2024 či lăi pơthâo glăi kơ anom bruă hơmâo jao wai lăng, tañ mă yua jing tơlơi phiăn. Khua dêh čar kiăng amăng mông jơnum anai, ding kơna amăng Kơnuk kơna pơƀut tơlơi pơmin, pran jua ngă bruă pơplih phrâo; lăi pơthâo glăi, pơgôp hiăp ƀiă samơ̆ rơđah rơđông, djơ̆ bruă kiăng ngă; pơƀut pơčrông sai hơdôm bruă phrâo dŏ hơmâo lu tơlơi gun, tơlơi yôm, tơlơi dŏ hơmâo lu tơlơi pơmin phara, rơkâo đĭ hăng Kơnuk kơna, pơhlôm djơ̆ hrơi pơkă, tŭ yua mơ̆ng mông Jơnum