Amăng mông jơnum ƀing khua mua đing nao pơčrông sai tơpă kơ sa, dua boh tơhnal bơdjơ̆ nao hơnong pơkă man pơdong sang dŏ mơnuih mơnam brơi hơdôm boh ƀon lan; tơlơi pơkă, hơdră bruă dŏ gun kiăng pơsir hĭ; bruă mă yua klă ngăn rơnoh; pơkra pơjing, dăp lăng sang dŏ mơnuih mơnam, bruă ngă hră pơ-ar…Đĭ pơhiăp amăng mông jơnum Khua dêh čar brơi thâo, tơlơi črâo trun mơng Ping gah, Kơnuk kơna tong ten biă mă kiăng kơ kiăo tui rơnoh pơđĭ kyar bơwih ƀong huă. Khua dêh čar lăi nao rơđah, kiăng đing nao sang dŏ mơnuih mơnam hlâo, laih anun sang dŏ sĭ mơdrô.

Sang dŏ mơnuih mơnam kiăng tuh pơ alin ha amăng plĕ hơdôm anih anom mơng jơlan glông, ia jrao, pơtô pơjuăt, bơrơguăt drơi jăn, mơnuih mơnam, ayuh hyiăng…kar hăng sang dŏ sĭ mơdrô, samơ̆ anŏ phara lĕ kơnuk kơna hơmâo hơdră djru brơi. Khua dêh čar hơmâo lăi nao rơđah sa, dua hơdră bruă hơmâo hăng glăk pok pơhai anun lĕ man pơdong lu sang dŏ dêh čar, jao rơnoh prăk čan 140 rơbâo klai prăk brơi sang dŏ mơnuih mơnam.