Pơ ala kơ khua mua mơ̆ng gong gai kơnuk kơna, Khua dêh čar ơi Phạm Minh Chính bơni kơ hơdôm tơlơi gir run, hăng boh than hơmâo ngă mơ̆ng djŏp ding jum anom bruă, tơring čar; tơlơi git gai khut khăt mơ̆ng ding kơna Khul git gai bruă mă mơ̆ng Kơnuk kơna; pơgôp prong mơ̆ng Tơhan Kông an; tơlơi gum djru ha pran jua mơ̆ng mơnuih ƀôn sang, anom bơwih ƀong.

Khua dêh čar lăi pơtŏng, bruă mă pơ anăp anai tơnap, glêh glar biă mă. Kơ tơlơi pơmin črâo bruă mơ̆ng Khua dêh čar, kơplah wah boh thao ia rơgơi hăng pơčeh phrâo tơlơi rơgơi, pơplih boh thâo mrô pơlir kjăp phik, pơplih phrâo anom bruă kơnuk kơna laih anun mă ană mơnuih ta yơh phun; đĭ kyar boh thâo ia rơgơi, pơčeh phrâo tơlơi rơgơi, pơplih mă yua boh thâo mrô hăng Akŏ bruă mrô 06 jing tơlơi khŏm hơmâo ƀơ̆i yơh, jing hơdră ruah mă lăp djơ̆, jing tơlơi kiăng ngă hlâo. Khua dêh čar kiăng hơdôm boh tơring ječ ameč ngă giong glông čih pioh mrô sang anŏ, lŏn tơnah, kơsem min bruă mă yua glăi dong hơdôm hră pơ-ar hơmâo ngă mrô đah mơ̆ng ngă amuñ hloh hăng 200 djuai hră pơ-ar tui tơlơi dưi ngă./.