Tlam mơmŏt lơ 5/3, Khua git gai Ping gah Kơnuk kơna, Khua dêh čar ơi Phạm Minh Chính git gai Jơnum mơng Ping gah Kơnuk kơna pok pơhai kơsem min, sem lăng, ba tơbiă bruă pơmut sa, dua anom bruă gưl tơring čar, ƀu hơmâo gưl tơring glông, pơmut sa, dua anom bruă gưl să, tui tơlơi klah čun mrô 127 mơng Ding jum kơđi čar, Khul git gai Ping gah kơ pok pơhai kơsem min, rơkâo tŏ tui dưm dăp anih anom kơđi čar. Tơdơi kơ hmư̆ črăn akŏ bruă hăng Ping gah hơmâo pơčrông sai kơ hơdră pơmut hrŏm sa, dua anom bruă gưl tơring čar, gưl să, pơđut mông jơnum, Khua dêh čar ơi Phạm Minh Chính lăi pơtong, bruă pơmut sa, dua anom bruă gưl tơring čar, ƀu hơmâo gưl tơring glông, pơmut sa, dua anom bruă gưl să kiăng krăo tui tơlơi klah čun mrô 127 mơng Ding jum kơđi čar, Khul git gai Ping gah.

Yua anun, dưm dăp gong gai ƀon lan pơ anăp anai dŏ kơdong 2 gưl anun lĕ gưl tơring čar hăng gưl ƀon lan. Khua dêh čar pơtă pơtăn bruă pơmut anih anom gư; tơring čar hăng să ƀu djơ̆ kơnong pơhlôm djơ̆ hơdôm hơnong pơkă kơ đơ đam kual lŏn mơnai, mrô mơnuih đôč ôh mơ̆ ăt kiăng pơhlôm brơi djơ̆ anih, gêh gal bơwih ƀong huă, mơnuih mơnam, gru grua hăng dưi pơhrua nao rai.