Pơhiăp ƀơi mông jơnum, Khua dêh čar ơi Phạm Minh Chính lăi pơtong, pơđĭ kyar bruă pơkra ming măi mŏk phrâo pơkĕ apui lơtrik sa bruă mă ruah mă yôm kơ dêh čar ta. Kiăng pơđĭ kyar anom bruă tuh tia pơkra ming hrĕ añĕ pơkĕ apui lơtrik, Việt Nam kiăng hơmâo bruă mă hlom bom, wơ̆t jơlan hơdră djru phara hơjăn kơ bruă mă, pơtô hrăm mơnuih mă bruă thâo rơgơi, man pơdong sang bruă, pơkra atur jơlan phrâo hăng pơtrut bruă kơsem min laih anun pơđĭ kyar.

Kơ bruă mă, hơdră pơsir phun pơ anăp adih, Khua dêh čar git gai tañ čih pơkra, ngă giong tơlơi phiăn pơkă phara, djru ba bruă pơtô hrăm mơnuih mă bruă pơkra ming hrĕ pơkĕ apui lơtrik añĕ pơtlep amăng măi mok; pơtô hrăm ƀing nai pơtô, mơnuih thâo rơgơi djơ̆ lăp; hơmâo hơdră pơđĭ kyar mơnuih mă bruă pioh djru pơtrut bruă tuh tia pơkra ming tañ thâo amăng bruă mă ƀơi anăp hăng sui thun tơdơi adih.