Mơnuih ƀôn sang tơring glông Tiên Phước, tơring čar Quảng Nam lăi lĕ, hơdôm thun rơgao, Ping gah hăng Kơnuk kơna biă ñu đing nao mơnuih djru ngă hơkrŭ đưm, khă hnun hai, lu mơnuih gum djru ngă hơkrŭ đưm akă dưi čơkă mă hơdră gum djru, hơdră bruă yua kơ lu bôh than ba truh phara. Prăk djru pioh kơ ling tơhan rơka ruă, tơhan pơsăn drơi, mơnuih djru ngă hơkrŭ đưm, mơnuih djơ̆ jrao dioxin dô̆ ƀiă bơhmu hăng rơnoh pơkă hrŏm mơ̆ng mơnuih mơnam.

Tui hăng Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải, tơring čar Quảng Nam lĕ kual lŏn hmâo phiăn juăt ngă hơkrŭ lu, anih hmâo mrô mơnuih pơsăn drơi hăng amĭ Việt Nam sông kơtang lu hloh đơ đam dêh čar ta. Yua anun, ƀu dưi pioh sang anô̆ djru ngă hơkrŭ đưm hăng ngă hơkrŭ ƀu dưi čơkă mă hơdră gum djru gah hơdră bruă. Kơ-iăng Khua git gai wai lăng pơ ala mơnuih ƀôn sang dêh čar ta rơkâo Gơnong bruă Ling tơhan rơka ruă hăng mơnuih mơnam tơring čar Quảng Nam pel ĕp glăi, đing nao pơsir brơi prăk gum djru kơ hơdôm mơnuih hmâo lăi anun djop tơlơi gal./.