Pơhiăp ƀơi mông jơnum, Khua dêh čar ơi Phạm Minh Chính lăi “3 hrŏm”: pơhmư̆ hrŏm hăng thâo hluh; gum hrŏm lăng nao pơ anăp, thâo hluh hăng ngă bruă; gum ngă bruă gum tŭ mă tơlơi gêh gal, truh kih hăng đĭ kyar. Tơlơi anai lăp djơ̆ lơ̆m pok pơhai hăng anom bơwih ƀong, ƀing gŏp hăng mơnuih ƀôn sang.

Khua dêh čar črâo rơđah, khŏm lăng glăi abih bang, thâo kjăp kơđi tơlơi ƀơi rŏng lŏn tơnah hăng amăng kual đah mơ̆ng hơkrŭ kjăp anih sĭ mơdrô glăk hơmâo, pok prong anih sĭ mơdrô phrâo, pơsir hĭ hơdôm tơlơi kơƀah, hơdôm tơlơi mơ̆ hơdôm boh dêh čar glăk kiăng ; pơsir hĭ bruă tơ̆i đưn gơnam tam sĭ mơdrô hăng hơdră pơđĭ tui, ngă hmư̆ hing tui anăn gơnam, anŏ klă mơ̆ng gơnam tam, pơđĭ kyar mơtah, pơđĭ kyar mrô; ngă hrŏm kjăp kơplah wah amăng lăm dêh čar wơ̆t hăng gah čar rơngiao, ngă hrŏm plah wah hơdôm ding jum, anom bruă, ngă hrŏm Kơnuk kơna hăng anom bơwih ƀong, mơnuih ƀôn sang kiăo tui pran jua klă hiam dưm kơnar, hơmâo tơlơi truh sat gum djru nao rai.