Pơhiăp ƀơi mông jơnum, Khua dêh čar kiăng hơdôm ding jum, anom bruă bơdjơ̆ nao prăp rơmet hră pơ-ar kơ grup khua Vịệt Nam nao pơ dêh čar Mi bơkơtuai. Tui anun, rơkâo dêh čar Mi pơdơi bruă mă jia hăng Việt Nam aset biă mă ñu 45 hrơi đah mơ̆ng thâo prăp rơmet hlâo. Bơkơtuai kiăng hơmâo tơlơi dưm kơnar amăng bruă sĭ mơdrô, gêh gal kơ dua bơnah; gêh gal kơ mơnuih blơi yua, samơ̆ ƀu bơbeč sat kơ tơlơi ƀuăn jar kmar ôh.

Khua dêh čar lăi pran jua bơkơtuai tui hăng tơlơi pơhiăp telephôn kơplah wah Khua git gai Ping gah ơi Tô Lâm hăng Khua mir sir dêh čar Mi; lăi pơthâo amra bơkơtuai hăng dêh čar Mi, ba tơbiă rơnoh prăk jia blơi mut 0% hăng gơnam tam blơi mơ̆ng Mi; laih dong rơkâo dêh čar Mi mă jia hrup anun mơn hăng gơnam blơi mut mơ̆ng Việt Nam; pơtrut pơsur, ngă amuñ brơi kiăng blơi gơnam mơ̆ng dêh čar Mi mơ̆ dêh čar Việt Nam kiăng blơi, laih anun djru brơi kiăng hơdôm boh kông ti dêh čar Mi tuh pơ alin hloh dong pơ dêh čar Việt Nam./.