Đĭ pơhiăp amăng mông jơnum, Khua dêh čar lăi pơtong, amăng thun blan laih rơgao, kơđi amăng jar kmar hăng amăng kual hơmâo lu tơlơi ngă tơnap; klin Covid-19 pơglăi lu tơlơi sat; ayuh hyiăng pơplih; hơjan kơthel ƀuh jai hrơi kơtang tui, ngă răm rai prong; tơlơi bơwih ƀong huă-mơnuih mơnam amăng lŏn ia bưp tơnap tap yua bơbeč mơng hơdôm tơlơi sat mơng gah rơngiao; ƀuh lu dong tơlơi lông hăng bruă wai pơgang mơnuih mơnam.

Kiăng pơgiong bruă jao thun 2023 hăng pơ anăp dong, Khua dêh čar rơkâo ding kơna khul git gai hăng Khul git gai djop gưl tŏ tui hruă kjăp, pok pơhai ngă tui tŭ yua hơdôm tơlơi črâo trun, hơdră bruă mơng Ping gah, kơnuk kơna, amăng anun hơmâo tơlơi pơtrun mrô 22 mơng Ding jum kơđi čar hăng jơlan hơdră bruă mă mơng Kơnuk kơna amăng wai pơgang kiăng pơhlôm sit nik hăng tŭ yua.