Amăng mông jơnum, hơdôm tơlơi gum pơhiăp đing nao kơ tơlơi gum pơhiăp amăng rơwang bruă Tơlơi phiăn pơsir kơđi (pơplih pơkra glăi), gah tơlơi pơkă hơdôm tơlơi bơtơhmal pơdjai mơtăm, pơsir kơđi hăng tơlơi pơdjai mơtăm; rơnoh bơtơhmal hăng prăk hơdôm tơlơi ngă soh phiăn pơkă; hơdôm tơlơi bơdjơ̆ nao tơlơi ngă soh gah hơdră mă yua măi mok, leč pơdar amăng bruă bơwih ƀong sĭ mơdrô; pơsir kơđi tơlơi ƀudah lui hăng bruă ngă soh phiăn lơm pok pơhai hơdră bơwih ƀong sĭ mơdrô phrâo hăng hmâo tơhnal lông lăng mă yua bôh thâo phrâo hơdră măi mok...

Khua dêh čar ơi Phạm Minh Chính lăi rơđah, tal pơplih pơkra anai đing nao sa dua mơta tơlơi, biă ñu lĕ kơtưn mă yua bruă pơplih mơ̆ng pơdjai mơtăm hơdai nao dô̆ amăng sang mơnă. Pơhiăp amăng mông klah čun mông jơnum, Khua dêh čar lăi rơđah, čih pơkra tơlơi phiăn jai hrơi jai pơplih phrâo tơlơi pơmin, jơlan gah pơblang; hrŏ trun hră pơ-ar čar. Khua dêh čar ăt rơkâo mơn pơpha gưl, bruă apăn đut hlah hăng hơdră pel ĕp, lăng tui, nao hrŏm hăng pơpha bruă apăn hăng pơđĭ dlông bôh thâo ngă tui; pơhlôm bruă gơgrong, ngă rơđah tơlơi dưi, rơđah hrơi mông, rơđah rơnoh pioh lơm tơlơi phiăn mă yua dưi pơphun ngă tui klă, pơhlôm ba glăi bôh tơhnal./.