Tơdơi kơ mông čơkă, Khua dêh čar ơi Phạm Minh Chính jơnum bơkơtuai hăng Khua dêh čar Khač ơi Lý Cường. Amăng mông jơnum, Khua dêh čar ơi Phạm Minh Chính đăo gơnang tal rai čuă mơng Khua dêh čar Khač amra ba glăi tơlơi truh kih; ba tơlơi rô nao rai dua bơnah jai hrơi tŭ yua, sit nik, dơlăm tui hăng djop mơta; pơgôp amăng pơgang rơnuk rơna, hơđong hăng ngă hrŏm, pơđĭ kyar amăng kual hăng rŏng lŏn tơnah.

Kơ bruă ngă hrŏm pơ anăp, dua čô Khua dêh čar tŭ ư pok pơhai tŭ yua hơdôm tơlơi pơmĭn hrŏm mơng Khua mua pơprong hloh mơng dua čô Ping gah, dua kơnuk kơna; tŏ tui hơkrŭ pran đăo gơnang kơđi čar, tŏ tui na nao pơbưp khua mua pơprong hăng djop gưl; pơtrut kơtang amăng hơdră pơbưp, ngă hrŏm, pơtrut ngă hrŏm sit nik amăng djop mơta bruă akŏ phun, kơtưn pơbưp nao rai mơnuih ƀôn sang, hơkrŭ djop glông mơnuih mơnam hơđong kjăp amăng pơđĭ kyar tơlơi rô nao rai kơplah wah Việt Nam-Khač; tŏ tui ngă hrŏm kjăp hăng dong yua tơdruă amăng hơdôm hơdră bruă, jơnum pơƀut djop bơnah; ngă hrŏm wai lăng klă guai lŏn ia.