Pơhiăp ƀơi mông jơnum, Khua dêh čar ơi Phạm Minh Chính lăi pơtong: Amăng hrơi blan tơlơi bơwih ƀong huă ƀơi Việt Nam dŏ kaih, rơnoh pok pơhư progn tui, hlăk pơblih kơtang hăng tŭ lu tơlơi bơbeč djơ̆ mơ̆ng gah rơngiao, bruă pơtong rơđah tơlơi pơhing bơwih ƀong huă dêh čar khom tong ten, djơ̆ lăp, pơblih phrâo hăng khin hơtai hrưn đĭ.

Khua dêh čar rơkâo djop ding jum, anom bruă, group bơwih ƀong huă, phun kông ty pơprong mơ̆ng kơnuk kơna kiăng ngă hrŏm kơtang hloh pơblih yua mrô, pơđĭ kyar atur gơnam yua ia rơgơi hăng mrô, kiăng pơkra ming rai gơnam sĭ mơdrô yua mơ̆ng boh thâo ia rơgơi mrô hơjăn pô. Laih dơ̆ng, khom pơhlôm djop mrô rơnoh, tơlơi rơnuk rơnua bruă pôr pơhing dêh čar. Kơ mơnuih apăn bruă, kiăng akŏ pơjing khul mơnuih mă bruă kơnuk kơna hăng mrô, bang bơngač bruă abih bang khom hrăm glăi ia rơgơi mrô pioh pơtrut bruă ngă tŭ yua mơnuih ƀôn sang mrô.