Pơhiăp amăng mông jơnum, Khua dêh čar ta ơi Phạm Minh Chính rơkâo đing nao pơpha ngăn rơnoh pioh djru sang dô̆ kơ mơnuih djru ngă hơkrŭ đưm hăng ngă hơkrŭ hăng mơnuih mơ̆ng ling tơhan pơsăn drơi. Rơkâo hơdôm anih anom pel ĕp glăi, khom pơkra giong sang dô̆ kơ mơnuih gah sang anô̆ ling tơhan pơsăn drơi hăng sang anô̆ ling tơhan pơsăn drơi hlâo kơ lơ 27/7 hăng pơkra giong sang dô̆ kơ mơnuih djru ngă hơkrŭ đưm hăng ngă hơkrŭ hlâo kơ 2/9.

Khua dêh čar lăi rơđah tơpă ƀu pioh mơnuih ƀôn sang hơpă dô̆ amăng sang tơ̆i, sang răm. Kơnong kơ črông nao, ƀu črông glăi. Phun ñu pơkra giong tơhnal lŏm lui sang tơ̆i, sang răm amăng rơwang đơ đam dêh čar hlâo kơ lơ 31/10 thun anai, kiăng sit nik čơkă mơ-ak Jơnum Ping gah hơdôm gưl, anăp nao Jơnum tal 14 mơ̆ng Ping gah dêh čar./.