Tơdơi kơ pơmut dua boh tơring čar Dak Lak hăng Phú Yên, hơdôm rơtuh čô mơnuih ngă khua, apăn bruă mơ̆ng Phú Yên amra nao mă bruă ƀơi plơi prong Ƀuôn Ma Thuôt, tơring čar Dak Lak či mă bruă.

Lu hơdră djru kah hăng anih dŏ, sang dŏ, rơdêh đĭ nao rai hlăk jŭ yap hăng pok pơhai. Rơđah biă mă ñu, tơdơi kơ pơmut glăi, amra hơmâo 1000 čô mơnuih ngă khua, apăn bruă mơ̆ng Phú Yên nao dŏ pơ Ƀuôn Ma Thuôt, tơring čar Dak Lak pioh či mă bruă. Ơi Trương Ngọc Tuấn, Khua Gơnong bruă čar tơring čar Phú Yên brơi thâo, anom bruă gơñu hlăk sem glăi, dăp hơdră pơsir anih dŏ, anŏ đih, rơdêh đĭ nao rai djru ƀing khua mua, mơnuih apăn bruă kiăng hơđong pran juua mă bruă. Ră anai, lu hơdră hlăk pok pơhai jŭ yap brơi tong ten pioh pơhlôm mă bruă tŭ yua hloh kơñ pơgi.