Giăm 500 čô khua pơ ala nao jơnum, hăng hơmâo ƀuh ƀô̆ mơta mơ̆ng khua dêh čar Lao-Khua kual ASEAN thun 2024; ơi Kao Kim Hourn, Khua čih pioh kual ASEAN, hơdôm dêh čar bơnah ngă hrŏm, djop anom bruă ƀơi jar kmar. Jơnum kơ bruă mă kơñ pơgi ASEAN hăng thun 2024 akŏ ñu “Akŏ pơdong khul gum hơbit ASEAN pơđĭ kyar tañ, hơđong kjăp, lăng kơ mơnuih ƀôn sang yơh phun” sa tơlơi pơčeh mơ̆ng khua dêh čar ta ơi Phạm Minh Chính lăi pơthâo amăng mông jơnum khua mua ASEAN tal 43 blan 9/2023.

Anai lĕ tơlơi pơčeh phrâo mơ̆ng Việt Nam kiăng hơmâo mông jơnum hrŏm kơ abih bang ding kơna djop dêh čar ASEAN ăt kah hăng hơdôm bơnah ngă hrŏm mơ̆ng ASEAN, mơnuih ƀôn sang ASEAN pơgôp hrŏm djru pơtrut, ngă hơđong jơlan pơđĭ kyar kơñ pơgi kơ ASEAN. Pơhiăp amăng mông jơnum, Khua dêh čar ơi Phạm Minh Chính lăi pơtong, pioh ngă tui hơdră mă bruă lăng nao truh thun 2045, kiăng ngă tui 5 mơta tơlơi kơtưn, hăng Việt Nam amra gir run hloh gum tơngan hrŏm čih tui hơdôm tơlơi ră ruai kơ bruă mă tŭ yua, pok pơhư prong kơñ pơgi kiăng tŭ ư sa pran jua amăng lu ding kơna ASEAN.