Pơhiăp ƀơi mông jơnum, lăi pơtong tơlơi gơgrong yôm bruă pơdŭ pơgiăng hăng rơdêh por amăng bruă pơđĭ kyar bơwih ƀong huă ră anai, Khua dêh čar ơi Phạm Minh Chính lăi lĕ, tơlơi rơnuk rơnua hăng bruă ngă hrŏm yơh jơlan hơdră ngă phun, yua kơ anun bơwih ƀong huă, sĭ mơdrô hăng tuh pơ alin ăt amra pơđĭ kyar; lơ̆m bơwih ƀong huă pơđĭ kyar lĕ anŏ kiăng blơi yua, rô nao rai, hyu ngui mơ̆ng mơnuih ƀôn sang amra lu tui mơ̆n.

Lơ̆m anun, bruă rô nao rai jĕ giăm plah wah tơdruă mơnuih mơnam sa anŏ gơgrong yôm hăng anŏ kiăng rô nao rai jai hrơi lu tui. Khua dêh čar ơi Phạm Minh Chính čang rơmang djop anom bruă rơdêh por mơ̆ng Việt Nam ngă hrŏm, pơhno bruă mă bơkơnar, boh nik ñu ră anai lơ̆m dua bơnah dêh čar pơđĭ tui bruă ngă giăng mah jing bơnah ngă hrŏm hlom bom, amăng anun bruă pơtô hrăm mơnuih apăn bruă yơh gơgrong yôm hloh.