Tui Khua dêh čar, ngă hrŏm bơwih ƀong huă, sĭ mơdrô, tuh pơ alin, boh thâo măi mok, pơplih pơčeh phrâo…lĕ hơdôm bruă phun kiăng pơtrut tơlơi rô nao rai dua bơnah amăng jơlan gah pơđĭ kyar phrâo djop mơta hăng ba glăi boh tŭ yua ƀiă kar hăng Khua git gai Ping gah dêh čar ơi Nguyễn Phú Trọng hăng Khua mir sir Mi ơi Joe Biden čang rơmang. Khua dêh čar ơi Phạm Minh Chính čang rơmang dêh čar Mi lăi hrŏm hăng hơdôm anom bơwih ƀong sĭ mơdrô dêh čar Mi hnun mơn hrŏm hăng Việt Nam ngă tui hơnong pơkă pơ glông anai; laih dong gum djru bong glăi hơdôm tơlơi lông amăng rŏng lŏn tơnah, amăng abih bang mơnuih anun lĕ: ayuh hyiăng pơplih sat, mrô mơnuih tha rơma, klin kheng, hrŏ tui dram gơnam…amăng thun blan dêh čar Việt Nam dŏ lu tơlơi tơnap tap yua anŏ pioh glăi mơng blah wang, jing dêh čar glăk pơđĭ kyar, tơlơi bơwih ƀong huă glăk pơplih, ăt dŏ anet mơn, aka ƀu dưi bong glăi hơdôm tơlơi lông mơng gah rơngiao.

Đĭ pơhiăp pơđut mông mă bruă, Khua dêh čar ơi Phạm Minh Chính lăng yôm hơdôm tơlơi pơgôp mơng khua mua hơdôm anom bơwih ƀong sĭ mơdrô amăng Khul bơwih ƀong dêh čar Mi-ASEAN; Khua dêh čar rơkâo djop ding jum, gơnong bruă tŏ tui kơsem min, đing tơngia hmư̆ hăng lăi glăi, ngă gêh gal brơi hơdôm anom bơwih ƀong sĭ mơdrô.