Tui Ding jum pơtom hiăp, 16 čô khua anih jưh, Khua anom bruă pơ ala dêh čar Việt Nam pơ tač rơngiao phrâo ruah tal anai amra nao mă bruă pơ 48 boh dêh čar, kual lŏn amăng djop kual amăng rŏng lŏn tơnah. Amăng mông mă bruă, Khua dêh čar ơi Phạm Minh Chính lăi pơtong, hơdôm thun laih rơgao, gơnong bruă pơtom hiăp ƀu pơdơi prong kơtang, pơgôp yôm phăn amăng bruă pơjing lŏn ia, amăng anun hơmâo tơlơi gum pơgôp mơng hơdôm anom bruă pơ ala dêh čar Việt Nam pơ tač rơngiao.

Khua dêh čar brơi thâo, bruă jao mơng hơdôm anom bruă pơ ala dêh čar Việt Nam pơ tač rơngiao jai hrơi prong tui. Yua anun, ƀing khua anih jưh, Khua anom bruă pơ ala dêh čar Việt Nam pơ tač rơngiao kiăng gir run hăng hơdeč hmar ngă tui tơlơi črâo trun, jơlan gah  pơtom hiăp mơng Ping gah, kơnuk kơna, rĭm čô khua anom bruă pơ ala dêh čar kiăng pơsit tong bruă pơtom hiăp bơwih ƀong djru pơđĭ kyar, pơgôp amăng pơjing tơlơi bơwih ƀong rơngai, ngă pô hăng gơgrong mut hrŏm tơlơi bơwih ƀong amăng jar kmar, djop mơta hăng tŭ yua lĕ sa amăng hơdôm tơlơi đing nao hloh amăng rơwang mă bruă mơng ƀing gơñu.