Tơdơi kơ hmư̆ tơlơi pơgôp hiăp mơ̆ng khua mua hơdôm ding jum, anom bruă, klah čun mông mă bruă, pơ ala kơ kơnuk kơna dêh čar, Khua dêh čar ơi Phạm Minh Chính bơni tơlơi gir run hăng boh tơhnal dưi ngă laih mơ̆ng ping gah, gong gai kơnuk kơna, ling tơhan hăng mơnuih ƀôn sang Hà Giang, djru hrom boh tơhnal hrom amăng dêh čar ta.

Gah kơ pô, hơdră pơsir lăi, khua dêh čar lăi, khom gum pơgôp tŭ ư mut hrom sa pran jua amăng tơring čar, ngă hrom tong ten hăng gơnong dlông, khua mua git gai djơ̆ tui 3 mơta bruă pơblih kơtang, biă mă ñu mă yua prăk čan tuh pơ alin kơ bruă čar, ngă klă bruă pơkă hnong hăng pơđĭ kyar jơlan glông, atur či ngă bruă, lăng anai jing bruă kơđi čar yôm phun. Ăt khom ngă giong bruă pơkă hnong amăng tơring čar mơ̆ng thun 2021-2030, lăng nao pơ anăp adih truh thun 2050 kiăng djơ̆ tơhnal pơtrun hăng tŭ yua.