Pơ ala brơi kơnuk kơna, Khua dêh čar ơi Phạm Minh Chính pơpŭ bơni tơlơi gir run hăng tơhnal dưi ngă mơng Ping gah, gong gai, ling tơhan hăng mơnuih ƀon sang Điện Biên amăng thun blan laih rơgao, pơgôp hrŏm amăng tơlơi dưi lŏn ia. Pơ anăp anai Khua dêh čar rơkâo, tơring čar hruă kjăp, ngă tui tŭ yua tơlơi pơtrun mơng Jơnum Ping gah tal XIII, tơlơi pơtrun mơng Ding jum kơđi čar hăng tơlơi pơtrun mơng Jơnum Ping gah tơring čar tal XIV.

Pơđĭ kyar tơlơi bơwih ƀong huă mơnuih mơnam tañ hăng hơđong kjăp hluai tui pran kơtang tui tơlơi dưi, tơlơi gal, gơgrong mă pô. Đing nao pơjing, ngă tui tŭ yua kual bơwih ƀong huă mơng tơring čar; tơlơi pơplih lăp djơ̆ hăng hơdôm gơnong bruă bơwih ƀong, đing nao pơđĭ kyar ngă hmua, đang glai, tuai čuă ngui, drai ia apui lơtrik, čuah pơtâo, tuh tia pơkra pơjing hăng bơwih ƀong ƀơi amăng jang, Djă pioh hăng lăi pơthâo gru grua yôm phara mơng djop djuai ania hăng mơnuih ƀon sang Điện Biên. Pơhlôm rơnuk rơnua, hơđong.