Amăng 30 thun rơgao, tơlơi ngă hrŏm Việt Nam hăng ADB ƀu pơdơi ôh ngă kjăp tui, pơđĭ kyar; boh nik ñu tơlơi gum djru hmao kru, tŭ yua mơ̆ng ADB pioh kơ Việt Nam amăng bruă mă bŏng glăi hăng klin Covid 19, pơtrut rŭ glăi bơwih ƀong huă mơnuih mơnam. Khua dêh čar ơi Phạm Minh Chính lăi pơtong, Kơnuk kơna Việt Nam lăng kơ ADB lĕ sa amăng hơdôm bơnah pơđĭ kyar yôm, jĕ giăm, tong ten lăp đăo kơnang; brơi thâo tơdơi kơ 35 thun pơblih phrâo, Việt Nam aka ƀu hơmâo djơ̆ ôh boh tŭ yua, tơlơi kơtang, anŏ kơdrưh hơmâo kơnuih hing ang amăng jar kmar kah hăng ră anai.

Amăng boh tơhnal anun, mơ̆ng Việt Nam hơmâo bruă ngă hrŏm, djru ba mơ̆ng sang bruă prăk pơđĭ kyar kual ASIA (ADB). Laih anun lăi, tơdơi kơ 30 thun ngă hrŏm Việt Nam-ADB jai hrơi pơđĭ kyar hloh djop bruă, Khua dêh čar rơkâo amăng črăn bruă phrâo hơmâo boh yôm phun đing nao, anun lĕ tơlơi phiăn pơkă kơ bruă ngă hră pơar, djru hrŏm rơđah rơđong hloh, brơi pơblih phrâo djơ̆ rơ-ua amăng tơlơi pơmin, anŏ kiăng phrâo đah mơ̆ng ba glăi boh tŭ yua sit nik.