Hăng akŏ tơlơi jơnum pơčrông sai "Khul mơnuih bơwih ƀong huă sĭ mơdrô ngă hrom kơnuk kơna Việt Nam amăng bruă ngă tui tơhnal pơkă pơđĭ kyar mơtah mơda", jơnum anai mông gêh găl kiăng ngă tui boh tơhnal pơtrun pơđĭ kyar bơwih ƀong huă rơgoh hơdjă, mơtah mơda, lăi pơthâo  hăng Kơnuk kơna lu hơdră bruă ngă tui gêh găl, hơođng kjăp, hơmâo tơlơi ƀuăn rong, hơdră mă bruă tum teč, pơđĭ tui tơlơi glăm ba amăng khul mơnuih ngă bruă sĭ mơdrô hrom hăng ngă tui bruă tuh pơ alin sĭ mơdrô ba glăi boh tŭ yua.

Pơhiăp ƀơi mông jơnum, Khua dêh čar ơi Phạm Minh Chính brơi thâo, Việt Nam hơmâo yak nao thun tal 3 amăng akŏ bruă ngă tui bơwih ƀong huă 5 thun mơ̆ng thun 2021-2025 hăng tơhnal pơkă abih bang lĕ pơhlôm hơđong bơwih ƀong huă dêh čar, pơđĭ kyar tañ hăng hơđong kjăp. Hrom hăng anun, hơdôm tơlơi gir run pơblih hơdră bruă ngă hră pơar, pơblih yua mrô, pơblih hơdră jak iâu tuh pơ alin sĭ mơdrô, kơnuk kơna Việt Nam ăt pơtrut bruă mut phung jar kmar, ba glăi anŏ gêh găl phrâo kơ djop mơnuih sang bruă sĭ mơdrô, pok pơhư prong anih anom sĭ mơdrô pơđĭ kyar prong hloh mơ̆ng Hră pơkôl sĭ mơdrô rơngai FTA rơnuk phrâo ba glăi.