Nao sem lăng anih kơsem min, pơkra gơnam hăng hơdôm mơta gơnam boh thâo yôm yua Viettel pơkra hơmâo 3 mơta bruă: ling tơhan, măi mok dăng kông, gơnam bơwih brơi mơnuih ƀôn sang, Khua dêh čar ơi Phạm Minh Chính tŭ yap, bơni kơ hơdôm boh than hơmâo ngă amăng bruă kơsem min, pơkra măi mok yôm mơ̆ng Grup Viettel.

Khua dêh čar kiăng Viettel pơƀut ngă bruă phrâo hăng 3 mơta bruă kiăng ngă hlâo amăng hrơi blan pơ anăp anun lĕ pơčeh phrâo, khin pơmin, khin ngă, gơgrong bruă, nao hlâo wai lăng, mă yua klă djŏp tơlơi hơmâo tơlơi gêh gal mơ̆ng Kơnuk kơna pioh tuh pơ alin pơđĭ kyar măi mok. Khua dêh čar kiăng Viettel ngă klă hloh dong tơlơi pơmin lăng nao pơ anăp, tơlơi gơgrong bruă mơ̆ng ƀing gơñu đah mơ̆ng dưi ngă djŏp bruă hơmâo jao.